KVITRYGGSPETT er kommunefuglen i ULLENSVANG
Kvitryggspett Dendrocopos leucotos er ein av sju hakkespettar som finst i Noreg. Kvitryggspetten har opplevd ei betydeleg minking i bestanden i dei fleste europeiske land. Arten lever i områder med rikelege mengder av daude lauvtre. I Noreg finn ein den for det meste i frå Agder til Møre og Romsdal. Dei høgaste førekomstane finn ein på Vestlandet i dei bratte lauvrike fjordliene.
Ullensvang kommune har ein livskraftig bestand sjølv om den også her er fåtalig. Tidleg på 2000 tallet utførte BirdLife Hardanger systematiske kartleggingar langs fjordsidene i Ullensvang kommune og fann då 36 lokaliteter der kvitryggspett vart registrert, noko som er unikt. Ut frå dette kan ein anslå at 50-60 par i heile kommunen er realistisk. I Ullensvang er det mykje bratt og ulendt terreng der lauvtre får bli gamle og døyr på naturleg vis. Kvitryggspetten lever av treborande insekt som lever i desse biotopane. Ein annan viktig årsak til ein god bestand er dei milde vintrane langsmed fjorden.
Ullensvang kommune har ein livskraftig bestand sjølv om den også her er fåtalig. Tidleg på 2000 tallet utførte BirdLife Hardanger systematiske kartleggingar langs fjordsidene i Ullensvang kommune og fann då 36 lokaliteter der kvitryggspett vart registrert, noko som er unikt. Ut frå dette kan ein anslå at 50-60 par i heile kommunen er realistisk. I Ullensvang er det mykje bratt og ulendt terreng der lauvtre får bli gamle og døyr på naturleg vis. Kvitryggspetten lever av treborande insekt som lever i desse biotopane. Ein annan viktig årsak til ein god bestand er dei milde vintrane langsmed fjorden.
